hin útvöldu

2007-09-02T17:21:00.000Z

Einhverra hluta vegna er prófíll á persónulegu bloggi mínu nú prófíll þessarar síðu. Ég reyni að bæta úr þessu um leið og ég fatta hvað er að.

En já velkomin aftur til starfa elsku sviðslista nemar elska ykkur öll.

Myndir frá tangóballi komnar inn.

Njótið

2007-07-04T15:16:00.000Z

Loksins Komnar inn mYndir frá Akureyraferðinni.

er búin að fá forrit sem gerir mér kleyft að henda fleiri myndum inn í einu þannig nú fara allar myndirnar að streyma inn. Ef þið eruð búin að tína lykilorðinum sendið mér email.

gleðilegt sumar

2007-03-01T15:22:00.000Z

Lykilorð skal það vera, var bara að pæla í þessu þar sem það eru ekki margir sem skoða myndirnar sem eru læstar ef marka má , teljarann á Flickr. En allavega það koma fleiri myndir von bráðar

Vill annars bara minna fólk á kynninguna hjá öðrum bekk leikara,sýndar verða senur úr Rómeó og Juliu eftir William.

Það verða 3 kynningar

Föstudag Kl: 20:00
Laugardag KL: 13:00 og 16:00

athugið að það verður að skrá sig, skráningar blöð liggja fyrir inni á skrifstofu

allir að mæta ,blessí

2007-02-12T16:29:00.000Z

jæja jæja fleiri myndir komnar inn, frá frumsýningu Blóðbrúðkaups

jæja jæja loksins komið frí njótið þess

hvað finnst ykkur er kannski óþarfi að hafa lykilorð á myndirnar okkar??? endilega tjáið ykkur kæru vinir

kveðja Þorbjörg Helga

2007-01-28T16:56:00.000Z

9 FEBRÚAR

?!?

2007-01-17T18:22:00.000Z

Ég átti samræði.. nei.. samræður (grín, samt ekki) við nokkra káta samnemendur mína á göngum listaháskólans í vikunni. Það fór ekki á milli mála hvað þeim var efst í huga:

"Ball á Föstudaginn djöfulli hlakka ég til"

"djísus kræst þetta verður mergjað stuð"

"shit hvað það verður geðveikt, maður"

"fokking hellað"

sjáumst á fostudaginn

2007-01-06T15:45:00.000Z

þá eru allar 126 myndirnar frá jólaballinu komnar inn,svo að tónlistardeildinn geti líka séð myndirnar eru þær án aðgangsorðs að þessu sinni

njótið vel

p.s setti einnig inn myndir undir ýmist, þar munu bætast við fleiri innan skamms,ekki örvænta,allt fram streymir endalaust.

2007-01-05T16:53:00.000Z

er búin að setja inn myndir frá jólaballinu,það eru gríðalega margar myndir frá þessu balli þannig þeð koma fleiri von bráðar.

hlakka annars til að sjá ykkur öll á mánudaginn

2007-01-02T00:18:00.000Z

2006-12-05T23:53:00.000Z

Þá er þessi önn senn á enda. Fyrir mína parta leið hún allt of fljótt,enn þannig er það víst alltaf.

Ég er alls ekki búin að vera nógu dugleg að setja inn allar þær myndir sem ég á en ég mun bæta stórlega úr því leið og jólafríið gengur í garð. Þá get ég setið og dundað mér við þetta allt saman.

Hér er smá tíser fyrir forvitna

2006-11-23T13:29:00.000Z

Þar sem ég og sennilega allir aðrir nemendur skólans eru uppteknir við verkefni, og hvorki í þessari viku né síðustu hefur aldraður stórleikari heimsótt skólann og óbeðinn haldið fyrirlestur yfir kennurum um muninn á leiklist á svívirðu, sé ég enga ástæðu til að skrifa vandaðan pistil. Ég ætla hins vegar að vísa á atriði á veraldarvefnum sem gætu glatt augað:

http://youtube.com/watch?v=s-mOy8VUEBk

og

http://video.google.com/videoplay?docid=9029110643266711356&q=bush+was+right

Góðar stundir!
Friðgeir.

2006-11-12T14:30:00.001Z

adopt your own virtual pet!

Randver er röndóttur.

2006-11-03T12:18:00.000Z

Af einhverjum á stæðum fletti ég upp ,,úrkynjuð list" á myndleitarsíðu Google og þetta var eina myndina sem kom fram:

Þetta er menntafrömuðurinn Jónas Jónsson frá Hriflu sem um miðbik síðustu aldar skar upp herör gegn formbreytingum og tilraunum í listum, m.a. með svokallaðri ,,háðungarsýningu" árið 1942 þar sem almenningi var gefinn kostur á að sjá hversu úrkynjuð samtímalist var þá orðin. Sökum mikillar andstöðu listamanna höfðu sýningarnar þveröfug áhrif, og urðu raunar til þess að efla samstöðu og félagsanda listamanna, sem og vitund þeirra fyrir eigin mikilvægi í samfélaginu. Margir af þeim listamönnum sem Jónas hafði hvað mestan ímugust á áttu seinna eftir að láta mikið að sér kveða og skipa ómissandi sess í íslenskri samtímamenningu.

Í dag finnast engir Hriflu-Jónasar í samféaginu og þess vegna fjallar almenningur ekki um list án þess að hafa myndað sér ígrundaða og rökstudda skoðun á hverju listaverki fyrir sig. Fólk lætur almennt vera að fella dóm yfir listamönnum án þess að vita hvað þeir eru að gera, hvað það gæti mögulega þýtt og við hverja hvert einstakt verk (eða hver tilraun, ef því er að skipta) á erindi. Það er alveg frábært.

Góðar stundir,
Friðgeir.

2006-10-27T09:07:00.000Z

Kæru samnemendur.

Þar sem hirðljósmyndari nemendafélagsins hefur svo sannalega ekki látið sitt eftir liggja, er ég býsna hræddur um að leti mín og svívirðilegt hirðuleysi gagnvart embætti mínu hljóti að vera flestum ljós. Eins og ég áréttaði í pistli mínum fyrir tveimur vikum hef ég lofað vikulegum pistlum. Það blasir því við að ég hef ekki staðið við loforð mín. Því hygst ég nú veikum mætti reyna að bera í bætiflákann og skrifa nokkuð ítarlega greinagerð um það sem hefur átt sér stað hér innan veggja síðust tvær vikur.

Að þessu sögðu þykir mér leitt að hryggja lesendur og pota frekar undir þolrif þeirra, með því að tilkynna að óminnishegri hefur sótt mig heim og numið minningarnar á brott eins og gjafvaxta dóttur á óglögglega bjartri sumarnótt.

Það sem ég man er að það var lokasýning á Hvítri kanínu með býsna magnaðri paródíu frá fyrsta bekk og stórskemmtilegu teiti á eftir. Fyrsti bekkur veitti þá um kvöldið hina (næstum) árlegu Viggu (sem enginn í fyrsta bekk í fyrra hafði hugmynd um að ætti að veita) og að þessu sinni féll hun í skaut Söru. Þvínæst var í allra fyrsta skipti afhend svokölluð Tuska fyrir iðnasta nýnemann og var það fræða- og framkvæmdamanneskjan Ásgerður hlaut verðlaunin að þessu sinni. Svo framarlega sem ég veit hefur fjórði bekkur hafið æfingar á Blóðbrullaupi og gengur sjálfsagt vel.

Sýning annars bekks leikara á Grikkjaverkefnum þóttu heppnast með miklum ágætum og var það almennt mat manna að sýningin hafi ekki verið leiðnleg, sem hlýtur að jafngilda fimm stjörnum þegar grískir harmleikir eru annars vegar.

Albert hefur legið undir ámæli upp á síðkastið fyrir vikulegar brandarasendingar sínar. Vill undirritaður fyrir hönd vefstjórnar fordæma slíkan fílupúkahátt, enda mikill fylgismaður spaugs af flestu tagi. Við þá sem hafa verið með leiðindi við Albert vill vefstjórn segja: Skamm, skamm. Þið kunnið ekki gott að meta.

Að lokum er svo sem hægt að benda á að videósafn bókasafnsins fer ört vaxandi og er það prýðileg dægrastytting að tylla sér með kaffibolla og horfa á smart listsýningar frá Mið-Evrópu ef maður hefur ekkert betra að gera. hefur maður nokkuð betra að gera.

Hafi einhver einhverju við þetta að bæta má hann gjarnan hafa samband. ég man hreinlega ekki meira.

Góðar stundir,

Friðgeir.

2006-10-26T23:53:00.000Z

enn fleiri myndir komnar

2006-10-26T18:29:00.000Z

LOKSINS KOMNAR MYNDIR!!!!!!!!!

Niðurstöður söfnunarinnar voru 2176,og það nægir til að kaupa aðgang að Flickr sem ég hef nú gert.Vei Vei. Ég þakka öllum sem settu pening í þetta verkefni og þótt að ekki allir hafi náð að skila inn 50 kalli þá voru sumir sem lögðu meira í söfnuna svo allt gekk þetta að lokum

Fyrstu myndirnar sem birtast eru frá fjölskyldu deginum góða,njótið

Stuðmynd færslunnar að þessu sinni er af Friðgeiri,gleðin leynir sér ekki,þannig á það að vera. Hirðljósmyndari óskar Friðgeiri til hamingju með heiðurinn.

2006-10-13T14:51:00.000Z

Ágætu nemendur leiklistadeildar, hin útvöldu!

Á þar til gerðum fundi var mér ásamt fleirum falin sú ábyrgð að sjá um að dæla efni inn á þessa síðu gegn því loforði að ég léti eftir mig vikulegan pistil. Glöggir lesendur hafa væntanlega tekið eftir að ég stóð við loforð mitt fyrstu vikuna og síðan ekki söguna meir. Nú er svo komið að ég vil biðja ástkæra samnemendur mína afsökunar, og það sem meira er þá vil ég gera yfirbót. Því hafði ég hugsað mér að tjá mig um sumt það sem gengið hefur á í skólanum og er víst af ýmsu að taka, raunar svo að ég veit ekki hvar ég á að byrja. Að vandlega ígrunduðu máli held ég samt að það sé best að byrja á að segja eitthvað stórkostlega hlægilegt. Lesendum til hægðarauka verður grínið sérstaklega merkt með þar til gerðum greinamerkjum. Gjörið svo vel:

Nemendur á mismunandi brautum eru að læra eitt og annað mismunandi. Þannig eru leikarar á öðru ári á fullu í Grikkjunum, en annað ár F & F sýndu í vikunni verkefni í líkamsmiðlunarnámskeiði og gerðu mörgum áhorfendum grikk :) með því að koma mörg hver nakin fram. Jæja, en neyðin kennir nöktum nemendum að spinna :), er það ekki?

Segja má að nám við Deildina sé enginn dans á rósum. Þessu komust dansarnemarnir :) að þegar kom að busun. Þar sem dansaranámið er enn sem komið er aðeins eitt ár þá eru engir eldri bekkingar til að framkvæma busun. Dansararnir dóu þó ekki ráðalausir heldur busuðu sig einfaldlega sjálfir. Þeir eru sko aldeilis ekki í sjálfheldu :) þessir dansarar.

Nú í kvöld er gjörningakvöld í skólanum og er ógjörningur :) um það að spá hvað þar fer fram. Nánar um það síðar.

Látum þetta nægja í bili. Fleiri skondnar fréttir í næstu viku. Ég lofa:).

2006-10-12T22:18:00.000Z

Nú er málum þannig háttað: til þess að geta sett inn fleiri myndir verðum við að kaupa aðgang að myndasíðu. Það kostar þrjúþúsund krónir fyrir allt árið. Ég mæli sterklega með að við gerum það. En vegna þess að skólafélagið okkar er ekki mjög ríkt þá legg ég fyrir, hér á síðunni bón til ykkar allra.

Ef allir í leiklistardeildinni myndu sjá sér fært um að gefa 50 krónur til styrktar þessu málefni þá yrði okkur borgið.

Kæru samnemendur í næstuviku mun ég starta söfnuninni "Björgum Myndunum frá Glötun"
og mun hún standa alla næstu viku, það er að segja hún hefst á mánudag 16 okt og lýkur 20 okt.

Látið orðið berast.

Með fyrir fram þökk og von um góða þáttöku,

kveðja Obba hirðljósmyndari hins fátæka skólafélags.

2006-10-03T23:52:00.000Z

brátt koma myndir frá famelidagen,frumsýningapartý og fleira,þá koma loksins almennilegar og djúsí myndir, og er það að stóru leyti henni Dundu okkar í fyrsta bekk leikara að þakka, takk Dunda!

hér er smá sýnishorn:

p.s enn á eftir að velja hressustu myndina, þetta er allt svo spennandi og hressandi, stay tuned!!!

O.B.

2006-10-02T20:20:00.000Z

ATBURÐUR ALDARINNAR!

Þar sem að nemendur dansbrautarinnar eiga sér enga eldribekkinga til að níðast á sér hafa þau ákveðið að taka málin í eigin hendur og busa sig einfaldlega sjálf!

Á morgun, þriðjudaginn 3.október munu nemendurnir sýna Busadans í svarta sal leiklistardeildar á Sölvhólsgötu. Atburðurinn hefst kl.12:30 og tekur u.þ.b. 10-15 mínútur.

Mætið og sjáið dansara niðurlægja sjálfa sig! ;)

2006-09-28T23:37:00.000Z

googlið heldur áfram! sömu reglur sem fyrr, verð að velja fyrstu mynd sem birtist

googlfornarlömb þessa vikuna:
Hannes
Karl Ágúst
Árni

2006-09-26T23:54:00.000Z

jæja þá eru loksins komnar myndir, þær má finna hérna hægra megin undir þeim frumlega titli MYNDIR

markmiðið var að reyna að hafa myndirnar þannig að maður þurfi lykilorð til þess að skoða þær en þrátt fyrir nokkrar ágætis tilraunir hefur það enn ekki tekist. Ef einhver býr svo vel að kunna að setja kröfu um lykilorð á myndir þá vinsamlegast látið vita, hringið endilega í mig, þetta verður nefnilega að komast í lag áður en ég get farið að birta djúsí myndir hér á síðunni, eða er það kannski óþarfi???

endilega látið skoðun ykkar í ljós, í kommentakerfinu jafnvel

hér er smá sýnishorn

Lára og Hilmar fá sérstök verðlaun fyrir mestu stuð myndina.

2006-09-19T22:55:00.000Z

FLÍS FUNDUR Í HÁDEGINU Á FIMMTUDAG

mikilvægt að allir mæti
í Hráasal ! gaman gaman

2006-09-17T00:41:00.000Z

Ég ákvað að googla vefstjórnarmeðlimi,

reglur: varð að taka fyrstu myndina sem birtist.

netföng okkar ef einhverjum finnst óþægilegt að hringja, sms, msna eða tala við okkur getur sá hinn sami sent tölvupóst

freinarsson@lhi.is
jona06@lhi.is
dyrfjord@lhi.is

obba

2006-09-14T19:45:00.000Z

Þetta er nýtt blogg leiklistadeildar L.H.I...

...af því að blogspot er að mati stjórnarmeðlima betra en blogcentral.

Eftir þessa breytingu þarf ekki að bíða lengi eftir myndum. Jibbý!!!

Hér er smá forskot á sæluna

xxx nýtt blogg leiklistadeildar hér með vígt xxx

megi það lengi lifa

HÚRRA HÚRRA HÚRRA